Ulstein Arbeidarparti

Visjonar og verdiar

Alle menneske er unike, uerstattelege og like mykje verd. Ulstein Arbeidarparti vil arbeide for at kvart menneske skal få likeverdig høve til å utvikle evnene sine, og gjere draumen om ei godt liv mogleg. Ikkje for nokre få, ikkje for fleirtalet, men for alle. Ulstein Arbeidarparti strevar ikkje etter likskap, men likeverd.

For å få dette til treng vi jamnare fordeling av verdiane i samfunnet. Utan sosial tryggleik, ingen verkeleg fridom. Vi skal sjå kvarandre og løfte velferdsoppgåvene i fellesskap. Solidaritet mellom menneske er ein føresetnad for å skape eit slikt samfunn, og det skal prege vår politikk.

Ulstein Arbeidarparti vil

prioritere oppvekstvilkåra til barn og unge •
legge til rette for at Ulstein er ein god kommune for alle sine innbyggarar •
vere ein modig pådrivar for å løfte og utvikle lokalsamfunnet, i lag med kommune, næringsliv og frivillige

Ein god barndom og trygg oppvekst for alle

Alle barn og unge skal oppleve at det er godt å vekse opp i Ulstein kommune. Vi skal gi barna det beste grunnlaget for å bli framtida sine innbyggarar. Då må vi ha skular og barnehagar med plass til alle, som er framtidsretta, har god kvalitet og eit godt skulemiljø.

Ulstein Arbeidarparti går til val på å bevare og vidareutvikle skulestrukturen vi har i dag, og ei satsing på ny kommunal barnehage. Vi skal ha nullvisjon mot mobbing og ei vidare satsing på MOT. Ulstein Arbeidarparti satsar på framtida vår.

Ulstein Arbeidarparti vil

fornye og utvide barneskulen i sentrum for å sikre eit trygt læringsmiljø •
bevare dagens skulestruktur
sørge for at den neste kommunale barnehagen skal byggjast ved Gjerdsbakkane i Hasund krins
fortsette med gratis frukost på ungdomsskulen
ha ein nullvisjon mot mobbing og fortsette å vere eit lokalsamfunn med MOT
fortsette det gode arbeidet med lærlingplassar, med visjon om minst 2 lærlingar pr. 1000 innbyggar
ha oppdaterte digitale verktøy til alle elevar i Ulsteinskule

Helse – meistring heile livet

Ulstein Arbeidarparti vil sikre innbyggarane det helsetilbodet og dei omsorgstenestene dei treng i alle livsfasar. Vi skal ha fokus på tidleg innsats,og styrke dei helsefremjande tiltaka. Det er betre både for einskildindividet og lokalsamfunnet, om vi kan førebygge i staden for å reparere.

Ulstein Arbeidarparti vil

arbeide for utvida opningstider ved helsestasjon for ungdom
satse på førebygging og tidlig innsats, med betre folkehelse og meir fysisk aktivitet
styrke arbeidet med kvardagsmeistring i den heimebaserte omsorga, slik at fleire kan få oppfylt ønsket om å bu trygt i eigen heim
legge tilrette for at frivillegheita kan bidra i eldreomsorga.
ta i bruk ny teknologi og digitale verktøy for å heve kvaliteten på pasientbehandling og auke pasientsikkerheita
sette inn tiltak for å motverke einsemd, og styrke den psykiske helsa
legge tilrette for heile stillingar i helse og omsorg
ikkje privatisere og sette ut helse og omsorgstenester på anbod
legge til grunn universell utforming ved alle planlegging og utbygging i kommunen

Kultur og idrett – raust og inkluderande samfunn

Det gode oppvekstmiljøet skapar vi i fellesskap. Ulsteinsamfunnet er kjent for å skape gull av gråstein. Idretten og den frivillige dugnadenhar vore viktige pådrivarar for å skape denne kulturen. Desse verdiane ønsker vi å bygge vidare på.

Ulstein Arbeidarparti vil

framleis arbeide for eit mangfaldig kultur og idrettsliv for barn og unge
gi gratis bading i Ulsteinbadet til alle born under 6 år
framleis behalde gratis hall-leige for lag og organisasjonar på vekedagar
framleis arbeide for utbygging av turstiar og styrke turtrimmen Stikk UT
leggje tilrette for at dei etablerte turstiane og friluftsområda blir sosiale møteplassar med naturopplevingar og aktivitetsmoglegheiter
leggje til rette for parkering ved turstiane, Tufteparken i Bugarden og ved sykkelparken på Hofset

Samskaping med næringslivet

Ulstein Arbeidarparti har etablert, og vil vidareutvikle god samhandling med det lokale næringslivet. Vi vil bidra til så gode lokale rammevilkår som råd er. Vi vil vere ein pådrivar for at aktivt lokalt eigarskap skal oppleveein meirverdi ved å engasjere seg i og ta medansvar for store og små lokale prosjekt. Samhandlingsprosjekt mellom det offentlege og det private kan vere med å få starta opp og få fortgang i prosjekt som det offentlege åleine ikkje vil makte å realisere.

Ulstein Arbeidarparti vil også bidra til at sentrale styresmakter ser verdien av, og legg til rette for at private aktørar og bedrifter kan bruke større deler av skapte verdiar i lokalmiljøet, og for vidareutvikling av eigne bedrifter.

Ulstein Arbeidarparti vil

legge til rette for god dialog og direkte samhandling mellom det offentlege og private aktørar
initiere og støtte gode lokale utviklingsprosjekt
bidra til, og skape møteplassar og arenaer der ideutvikling, forsking, ny teknologi og knoppskyting kan legge grunnlag for god nærings- og samfunnsutvikling
bidra til at planarbeid og nytenking både har det gode lokalsamfunnet og næringslivet sitt beste som plattform når framtida skal formast
støtte oppstartsbedrifter og gründerar og bidra til grøn vekst

Samferdsel og trafikktrygging

Stadig betre kommunikasjonar knyter regionen saman. Det viktigaste samferdselsprosjektet for å knyte Søre Sunnmøre saman medresten av Sunnmøre er HAFAST. Ulstein Arbeidarparti vil arbeide for gode transport- og kommunikasjonsårer i kommune og region.

Ulstein Arbeidarparti vil

arbeide for ein framtidsretta
vere ein pådrivar for å realisere HAFAST
arbeide for rundkjøring i Hasundkrysset, Saunesmarka og Glopen
samarbeide med Statens vegvesen og Herøy om ny bru over Dragsund
styrke kollektivtrafikken mellom nabokommunane
opprette FRAM Flexx (bestillingstransport) tilbodet i kommunen
bygge vidare gangveg frå Kleven til Dimna grendahus
sørge for trygge skulevegar slik at born som ikkje treng skuleskyss kan gå trygt til skulen
påverke Statens Vegvesen til å bygge gang- og sykkelveg frå Garneskrysset til Haddal
plassere ut nye busskur der det er behov for det

Berekraftig miljø

Vi skal overlate jordkloden vår til generasjonane som kjem etter. Då er det viktig at kommunen bidreg med tiltak som tek vare på miljøet vårt.Ulstein Arbeidarparti ønsker også å gjere det lett og attraktivt for deg som innbyggar, å velje nye fornybare løysingar.

Ulstein Arbeidarparti vil

at alle nye kommunale bygg vert bygd som plusshus etter ein ambisiøs miljøstandard
at nye bilar som kommunen går til anskaffing av, er fossilfrie eller nullutslippskjøretøy
etablere fleire ladepunkt for elbil i kommunen
samarbeide med fleire aktørar for å bruke fjernvarme
støtte opp om det gode arbeidet som SSR gjer, og legge til rette for vidare utvikling i selskapet
at Ulstein kommune skal ha ei offensiv tilnærming til dei miljøutfordringane som vi både lokalt og nasjonalt står ovanfor
gjere det lett og attraktivt for innbyggjarane å hente informasjon, for å velje miljøvennlege og fornybare løysingar

Kommunen som tenesteytar

Kommunen si oppgåve er å yte tenester som kan hjelpe innbyggarane å leve trygt og meiningsfullt frå vogge til grav. Ulstein Arbeidarparti legg vinn på å vere modige, nytenkande, og ha sosial profili utviklinga av kommunen, slik at vi kan gje gode tilbod og bidra til auka livskvalitet og bulyst for alle.

Ulstein Arbeidarparti vil:

auke botnfrådraget og fjerne eigedomsskatten på sikt•
applaudere ein kommune som tek modige val, og som har fokus på nytenking og innovasjon for å finne betre og meir effektive måtar å løyse kommunale oppgåver på
legge tilrette for at Ulstein skal vidareutviklast som ein servicekommune

Politisk rekneskap

Ulstein Arbeidarparti har:

oppnådd å få bygd den største satsinga for born og unge i Ulstein kommune, Ulstein Arena, med ny symje og idrettshall, klatrehall og bibliotek•
prioritert teknologisatsing og digitale læremiddel i barnehage og skule
bygd nytt dagsenter til menneske med utviklingshemming
styrka helse og omsorg med midlar til demensomsorg og kvardagsrehabilitering
prioritert midlar til velferdsteknologi
realisert gangveg frå Hasund skule til Kleven verft
fått på plass gangbru over Haddalelva
realisert parkeringsplass på Gåsneset og utvida parkeringsplass ved Uglesætra• prioritert å få på plass fleire turvegar i fjellet
støtta opp om interkommunale samarbeid, for å skape effektive, meir robuste og betre kvalitet på tenester
bidratt til å vere ei løysingsorientert kommune, med fokus på nytenking og utvikling i alt vi gjer